Uppgötvum erfiðar hugsanir

Stundum finnum við fyrir erfiðum eða óhjálplegum hugsunum og við vitum ekki alveg hvernig á að bregðast við þeim.  Þá getur verið gott að átta sig aðeins betur á þeim -hvaða tilfinningum þær tengjast og af hverju þær eru að koma upp.  Það getur nefnilega verið gott að tengja þær við það sem er í gangi hverju sinni - skilja samhengi þeirra við annað.  Þetta verkefni hjálpar til við það og svo er hægt að nýta önnur verkefni hér á síðunni við að ráða svo betur við þær.

Hugsanir eru nefnilega mishjálplegar og þær eru ekki alltaf sannar.

Taktu þér stuttan tíma daglega í eina viku (gott að setja áminningu í símann). Veldu atvik úr deginum þegar þú fannst erfiða líðan og skráðu niður hverjar aðstæðurnar voru, hvað þú varst að hugsa, hvernig þér leið og hvað þú gerðir/hvernig þú brást við. Ef þú getur ekki fyllt út alla dálkana í hvert sinn er það allt í lagi. Flestum finnst þetta erfitt til að byrja með.

Þetta er kjörin æfing fyrir foreldra að gera líka.