Geta ekki sleppt erfiðum atvikum
Þó flest börn séu fljót að gleyma þá geta sum börn fest sig í þeirri hegðun að sleppa ekki einhverju sem gerðist mörgum árum áður. Þarna þarf þá oft að stíga inn í og kenna að í lífinu er mikilvægt að geta sleppt og gefið fólki ný tækifæri. Þetta er hæfni sem mun nýtast þeim vel í lífinu almennt eins og á vinnustað, vináttu á fullorðinsárum og svo ástarsamböndum.
Ef barnið þitt virðist oft detta í þennan gír getur verið gott að spyrja spurninga sem ýta undir skilning:
- Gætu verið einhverjar ástæður aðrar en að vera vondur sem skýra af hverju vinur þinn gerði eða sagði þetta?
- Ef þetta gerðist bara einu sinni, ef það er líklegt að það gerist ekki aftur og vinurinn baðst afsökunar þá er kannski hægt að fyrirgefa?
- Ef þetta var slys eða misskilningur þá gæti verið gott að sleppa þessu og halda áfram?
- Ef þetta gerðist fyrir meira en mánuði og allir virðast vera að halda áfram – þá gæti verið gott að sleppa þessu og gera það líka?
Byggt að hluta á grein eftir barnasálfræðinginn Phyllis L. Fagell.