Væntingar samfélagsins

Þetta verkefni er ætlað bæði fyrir foreldra að nota heima fyrir og svo kennara (eða aðra) til að nota sem hópverkefni.^[1]
Í þessu verkefni ætlum við að skoða væntingarnar sem samfélagið setur okkur og þá sérstaklega að þurfa alltaf að líta vel út.

Gott er að byrja á því að ræða það almennt séð, ýta undir samtalið og spyrja opinna spurninga. Hinir fullorðnu geta tekið dæmi um hvernig þetta var þegar þau voru yngri. Til að liðka fyrir samtalinu er gott að skoða dæmin hér að neðan og horfa svo á myndböndin sem koma þar á eftir.

Dæmi um væntingar samfélagsins:

Verkefni / Umræðupunktar:

Nú skrifið þið niður allt sem ykkur dettur í hug um þau áhrif sem væntinga frá samfélaginu geta haft, þar með talið þær væntingar sem birtast í t.d. samfélagsmiðlum og tónlistarmyndböndum. Ef þetta er unnið í bekk er hægt að skipta þeim í hópa og sameina svo svörin.

1. Hvernig líður fólki sem heldur að það þurfi að vera eins og öðrum finnst að það eigi að vera?
2. Líður þér stundum þannig?
3. Hvernig líður fólki sem eyðir allri sinni orku og áherslum í að breyta því hvernig það lítur út?
4. Hvernig er að vilja líta út eins og allir vilja en ná því ekki?
5. Hver eru áhrifin á líkamlega heilsu (orku, næringu o.fl.) þegar fólk er mikið að breyta mataræði sínu eða hreyfingu til að breyta útlitinu?
6. Hvaðan haldið þið að þessar væntingar komi?
7. Hvaða kemur pressan að þurfa líta út á ákveðinn hátt? Dæmi: Það sem einhver segir, hrós sem snýst bara um útlit eða að eiga vin sem talar mikið um útlit þeirra sem eru frægir, tónlistarmyndbönd o.s.frv.
8. Hvað getur þú/þið gert til að hjálpa? Skrifaðu niður að minnsta kosti þrjú atriði sem þú og vinir þínir geta gert til að minnka pressuna sem allir upplifa varðandi útlitið.